മിനിസ്ക്രീന് പ്രേക്ഷകരുടെ പ്രിയപ്പെട്ട അവതാരകമാരിലൊരാളാണ് എലീന പടിക്കല്. അവതാരകയായി മുന്നേറുന്നതിനിടയിലായിരുന്നു അഭിനയത്തിലേക്ക് എലീന ചുവടുവെച്ചത്. വില്ലത്തിയായുള്ള വരവിന് മികച്ച സ്വീകാര്യതയായിരുന്നു ലഭിച്ചത്. ഭാര്യയെന്ന പരമ്പരയില് നയനയെന്ന കഥാപാത്രത്തെ അവതരിപ്പിച്ചത് എലീനയായിരുന്നു. സാധാരണയില് നിന്നും മാറി നെഗറ്റീവ് കഥാപാത്രങ്ങളോടാണ് താല്പര്യമെന്നും താരം പറഞ്ഞിരുന്നു. ബിഗ് ബോസിലെത്തിയപ്പോള് മികച്ച സ്വീകാര്യതയായിരുന്നു താരത്തിന് ലഭിച്ചത്.
ടിക് ടോക്കിലൂടെ സജീവമായ ഫുക്രുവും ഇത്തവണ ബിഗ് ബോസില് മത്സരിക്കാനുണ്ടായിരുന്നു. മികച്ച പിന്തുണ നേടിയതിനോടൊപ്പം തന്നെ കടുത്ത വിമര്ശനങ്ങളും താരത്തിനെതിരെ ഉയര്ന്നിരുന്നു. തുടക്കത്തില് എലീനയുമായി വലിയ കൂട്ടില്ലായിരുന്നുവെങ്കിലും പിന്നീട് അടുത്ത സുഹൃത്തുക്കളായി മാറുകയായിരുന്നു ഇരുവരും. തങ്ങളുടെ സൗഹൃദത്തെക്കുറിച്ച് തുറന്നുപറഞ്ഞും ഇവരെത്തിയിരുന്നു. ബിഗ് ബോസിന് ശേഷം നാട്ടിലേക്ക് ഒരുമിച്ചായിരുന്നു ഇവരെത്തിയത്. നാളുകള്ക്ക് ശേഷമായി ഫുക്രുവും എലീനയും ആര്യയും പ്രദീപ് ചന്ദ്രനും സുരേഷ് കൃഷ്ണനുമൊക്കെ കണ്ടുമുട്ടിയത് കഴിഞ്ഞ ദിവസമായിരുന്നു. ഇതിനിടയിലാണ് രസകരമായ പോസ്റ്റുമായി ഫുക്രു എത്തിയത്.
എലീനയും ഫുക്രുവും
ബിഗ് ബോസില് വെച്ചാണ് ഫുക്രുവും എലീനയും ആദ്യമായി കണ്ടുമുട്ടിയത്. തുടക്കത്തില് എലീനയെ ഫുക്രുവിന് ഇഷ്ടമായിരുന്നില്ല. എല്ലാത്തിലും ഇടപെടുന്നതും നിര്ത്താതെ സംസാരിക്കുന്നതുമൊന്നും ഇഷ്ടമായിരുന്നില്ല. ആളാവാനാണ് ഇങ്ങനെയൊക്കെ ചെയ്യുന്നതെന്നായിരുന്നു കരുതിയത്. എന്നാല് ഇടയ്ക്ക് വെച്ച് ഇരുവരും അടുത്ത സുഹൃത്തുക്കളായി മാറുകയായിരുന്നു പിന്നീട്. കണ്ണിന് അസുഖമായി ബിഗ് ബോസില് നിന്നും എലീന മാറി നിന്നപ്പോള് ഫുക്രുവിനായിരുന്നു സങ്കടം.
ജാഡയാണെന്ന് തെറ്റിദ്ധരിച്ചു
എലീന ഫേക്കാണെന്നും ജാഡക്കാരിയാണെന്നും സ്ക്രീന് സ്പേസ് കിട്ടുന്നതിന് വേണ്ടിയാണ് ശ്രമിക്കുന്നതെന്നുമായിരുന്നു സഹമത്സരാര്ത്ഥികള് ആരോപിച്ചത്. ആര്യയും സംഘവും ഇങ്ങനെ പറഞ്ഞപ്പോള് സുരേഷ് കൃഷ്ണനായിരുന്നു അവരെ തിരുത്തിയത്. വര്ഷങ്ങളായി തനിക്ക് ആ കൊച്ചിനെ അറിയാമെന്നും ഇങ്ങനെ തന്നെയാണ് പെരുമാറ്റമെന്നുമായിരുന്നു അദ്ദേഹം പറഞ്ഞത്. എല്ലായ്പ്പോഴും ഒരുപോലെ പെരുമാറിയതോടെ പലരും താരത്തോട് ക്ഷമ പറയുകയായിരുന്നു.
ആര്യയും തിരുത്തി
എലീനയെ പണ്ടേ അറിയാമെന്നും ഈ സ്വഭാവമല്ല യഥാര്ത്ഥത്തിലുള്ളതെന്നും ബിഗ് ബോസിലെ നിലനില്പ്പിന് വേണ്ടിയാണ് ഇതെന്നുമൊക്കെയായിരുന്നു തുടക്കത്തില് ആര്യ പറഞ്ഞത്. എലീനയ്ക്കെതിരെ രൂക്ഷവിമര്ശനമായിരുന്നു ആര്യ ഉന്നയിച്ചത്. ഇതിന് ശേഷമായാണ് താരവും തന്റെ ധാരണ തിരുത്തിയത്. എലീന ശരിക്കും അങ്ങനെയാണെന്നും തുടക്കത്തില് താനും തെറ്റിദ്ധരിച്ച് പോയെന്നായിരുന്നു ആര്യ പറഞ്ഞത്. പിന്നീട് ആര്യയും എലീനയുടെ അടുത്ത സുഹൃത്തായി മാറുകയായിരുന്നു.
ഖേദമുണ്ടെന്ന് ഫുക്രു
എലീനയ്ക്കൊപ്പമുള്ള ചിത്രവുമായെത്തിയിരിക്കുകയാണ് ഫുക്രു. ഇവളെ ഫേക്ക്, ഫേക്ക് എന്ന് വിളിച്ചതില് ഞാന് ഖേദിക്കുന്നു, കാരണം ഫേക്കാവാനും വേണം ലേശം ബുദ്ധിയെന്നുമായിരുന്നു താരം കുറിച്ചത്. എന്റെ ഊളയാണിതെന്നും എന്റെ തോല്വിയെന്നും എലീനയെക്കുറിച്ച് ഫുക്രു പറഞ്ഞിരുന്നു. ഫുക്രുവിന്റെ പോസ്റ്റ് വൈറലായി മാറിയിരുന്നു. ഇതിന് ശേഷമായാണ് എലീനയും അതേ ഫോട്ടോ ഷെയര് ചെയ്ത് എത്തിയത്.
മറുപടിയുമായി എലീന
റിവഞ്ച് പോസ്റ്റാണ് ഇതെന്ന് പറഞ്ഞായിരുന്നു എലീന എത്തിയത്. എന്നെ ഫേക്ക് ഫേക്ക് എന്ന് വിളിച്ചപ്പോള് ഓര്ത്തില്ലല്ലോ ഒഴിയാബാധ ആയിരിക്കുമെന്ന്. ഇനി അനുഭവിച്ചോ എന്നായിരുന്നു എലീന കുറിച്ചത്. എന്റെ ഹാഷ് ടാഗോടെയായിരുന്നു എലീന പോസ്റ്റിട്ടത്. വിട്ട് കളയണമെന്ന മറുപടിയുമായാണ് ഇത്തവണ ഫുക്രു എത്തിയത്. ഇരുവരും മാസ്ക് ധരിച്ചില്ലല്ലോയെന്നായിരുന്നു ചിലരുടെ വിമര്ശനം. പോസ്റ്റ് ഇതിനകം തന്നെ ശ്രദ്ധേയമായി മാറിക്കഴിഞ്ഞിട്ടുണ്ട്.
വിവാഹത്തെക്കുറിച്ച്
നാളുകള്ക്ക് ശേഷമായാണ് എലീനയും ഫുക്രുവും കണ്ടുമുട്ടിയത്. എലീനയുടെ വീട്ടിലേക്ക് എത്തുകയായിരുന്നു ഫുക്രുവും സംഘവും.ആര്യ, സുരേഷ് കൃഷ്ണന്, പ്രദീപ് ചന്ദ്രന് ഇവരുടെ കൂടിക്കാഴ്ചയുടെ ചിത്രങ്ങള് സോഷ്യല് മീഡിയയിലൂടെ പ്രചരിച്ചിരുന്നു. ഇന്സ്റ്റഗ്രാമിലൂടെ ഇവര് ആരാധകരുമായി സംവദിച്ചിരുന്നു. ആരുടെ വിവാഹമാണ് ആദ്യമെന്ന് ചോദിച്ചപ്പോള് എലീനയും ഫുക്രുവും ആര്യയുടെ പേരായിരുന്നു പറഞ്ഞത്. ഇതോടെയാണ് എന്നാണ് വിവാഹമെന്ന ചോദ്യങ്ങളുമായി ആരാധകരും എത്തിയത്.
No comments:
Post a Comment