കൽപറ്റയിൽ അറിയപ്പെടുന്ന ഒരാൾ ശല്യം ചെയ്തു !!അയാൾക്ക് കൊടുത്ത പണിയേ പറ്റി അനു സിതാര

വളരെ ചുരുക്കം ചിത്രങ്ങൾ മാത്രമേ ചെയ്തിട്ടുള്ളു എങ്കിലും പ്രേക്ഷകരുടെ ഇഷ്ട നായികയായി തീർന്ന ഒരാളാണ് അനു സിതാര. താര ജാഡകൾ അധികമൊന്നും കൈമുതലായി ഇല്ലാത്ത അനുവിനെ എല്ലാ തരം പ്രേക്ഷകർക്കും ഒരുപാടിഷ്ടമാണ്. സമൂഹ മാധ്യമങ്ങളിലും ഏറെ സജീവമാണ് അനു. തന്റെ ചിത്രങ്ങളും വിശേഷങ്ങളുമെല്ലാം അനു സോഷ്യൽ മീഡിയയിലൂടെ പ്രേക്ഷകരുമായി പങ്കു വയ്ക്കാറുണ്ട്. അടുത്തിടെ ഒരു അനു സിതാരയുടെ ഒരു അഭിമുഖം സോഷ്യൽ മീഡിയയിൽ വൈറലായിരുന്നു.ജീവിതത്തിൽ ആരോടെങ്കിലും ചീത്ത പറഞ്ഞിട്ടുണ്ടോ എന്ന ചോദ്യത്തിന് അനു നൽകിയ മറുപടിയുടെ വീഡിയോ ആണ് വൈറലായത്.

അനു സിതാരയുടെ വാക്കുകൾ ഇങ്ങനെ. “അങ്ങനത്തെ ബുദ്ധിമുട്ടുകൾ ഉണ്ടായിട്ടുള്ളത് കുറവാണു. എന്റെ കൂടെ എപ്പോഴും അച്ഛനും അമ്മയുമുണ്ടാകും അല്ലെങ്കിൽ മാമൻ, ചെറിയമ്മ ഇങ്ങനെ ഒരു ഗാങ് എപ്പോഴും എന്റെയൊപ്പം ഉണ്ടാകും. ആകെ ഞാൻ ഒറ്റക്ക് പോയിരുന്നത് കോളേജിലേക്ക് മാത്രമാണ്. ബസിൽ എന്റെ അച്ഛനെയും അമ്മയെയും അറിയാത്തവരായി ആരും തന്നെയുണ്ടാകില്ല. ഒറ്റത്തവണ മാത്രം ഒരാൾ ഭയങ്കരമായി ശല്യം ചെയ്തിട്ടുണ്ട്.

അത് കൽപറ്റയിൽ അറിയപ്പെടുന്ന ഒരാളായിരുന്നു. ആ ചേട്ടൻ എല്ലാവരെയും ശല്യം ചെയ്യും. എന്റെ കോളേജിലെ മിക്ക പെൺകുട്ടികളെയും ആ ചേട്ടൻ ശല്യം ചെയ്യാറുണ്ട്. അയാളോട് ഞാൻ ദേഷ്യപ്പെട്ടു. ഞാൻ വീട്ടിൽ പറഞ്ഞു കൊടുക്കും എന്ന് പറഞ്ഞു. വീണ്ടും എന്റെ പുറകെ ആ ചേട്ടൻ വന്നപ്പോൾ ഞാൻ എന്റെ മാമനോട് പറഞ്ഞു. ആ ചേട്ടന് പുട്ടിനു പീര ഇടുന്നത് പോലെ തല്ല് കിട്ടിയെന്നാ കേട്ടത്. “