മകളെയൊന്നു കണ്ടിട്ട് നൂറു ദിവസമായെന്നു നടി !!ആശ്വസിപ്പിച്ചു ഭാവന

നടി എന്ന നിലയിലും അവതാരക എന്ന നിലയിലും പ്രശസ്തയായ താരമാണ് ശില്പ ബാല. 2016 ൽ കാസർകോട് സ്വദേശിയായ ഡോ.വിഷ്ണു ഗോപാലിനെ വിവാഹം ചെയ്ത ശേഷം കലാരംഗത്തു നിന്നു ഒരു ഇടവേളയെടുത്തിരുന്നു താരം. വിഷ്ണുവിനോടൊപ്പം ദുബായിയിൽ ആയിരുന്നു ശിൽപ താമസിച്ചിരുന്നത്. ഒരു മകളാണ് ശിൽപയ്ക്ക് ഉള്ളത്. യാമി എന്നാണ് പേര്. എന്നാൽ കുറച്ചു നാൾ മുൻപ് നാട്ടിൽ വന്ന ശില്പ ലോക്ക് ഡൗണിൽ കുടുങ്ങി പോയി. മകൾ യാമിയാകട്ടെ ദുബായിലാണ് ഉള്ളത്.

ദുബായിയിലേക്ക് തിരികെ പോകാൻ ഒരുങ്ങിയിരുന്നപ്പോഴാണ് കോവിഡ് വന്നത്. അവളെ കാണാൻ കഴിയാത്തതിലുള്ള വിഷമം ശില്പ ബാല ഇപ്പോൾ സോഷ്യൽ മീഡിയയിൽ പങ്കു വച്ചിരിക്കുകയാണ്. ഇന്ന് അവളെ പിരിഞ്ഞ് നിന്നിട്ട് നൂറാം ദിവസമാണെന്ന് ശില്പ കുറിച്ചു. എന്നാൽ അവൾ സുരക്ഷിതയാണെന്നുള്ളത് വലിയ ആശ്വാസം പകരുന്നു എന്നും ശില്പ ബാല കുറിച്ചു. തന്നെ പോലെ ഒരുപാട് ഉണ്ടെന്നും ചിലര്‍ മൂന്ന് മാസത്തോളമായി അവരുടെ മാതാപിതാക്കളെയും സഹോദരങ്ങളെയും പങ്കാളികളെയും പിരിഞ്ഞ് താമസിക്കുന്നു എന്നൊക്കെയുള്ള കുറിപ്പുകൾ സമൂഹമാധ്യമങ്ങളിൽ കണ്ടിരുന്നു എന്നും തന്റെ അവസ്ഥയും വ്യത്യസ്തമല്ല എന്ന് ശില്പ കുറിച്ചു.

താരത്തിനെ ആശ്വസിപ്പിക്കാൻ അടുത്ത സുഹൃത്തുക്കളായ ഭാവനയും അശ്വതി ശ്രീകാന്തും പേളി മാണിയും കമന്റ്‌ ബോക്സിലെത്തി. ” നീ ഇത് ടൈപ് ചെയുമ്പോൾ കണ്ണീർ വീഴുന്നുണ്ടാകും എന്നറിയാം. നീ ശക്തയാകുക ഇനിയും ” എന്നാണ് അശ്വതി കുറിച്ചത്. നീ ബോള്‍ഡായ സ്ത്രീയും അമ്മയും ഒക്കെ ആണ്. ഒരിക്കലും തളരാന്‍ പാടില്ല. എപ്പോഴും സ്‌ട്രോങ് ആയിരിക്ക്. ഈ അവസ്ഥയും കടന്ന് പോകും എന്നായിരുന്നു പേർളി കുറിച്ചത്.