ഭ്രാന്ത് നിന്റെ ഭാര്യയ്ക്കാണ്! റിമി ടോമിയ്ക്ക് ഏറ്റവും കൈയടി കിട്ടിയ ഡയലോഗ്, വീഡിയോ വീണ്ടും വൈറല്‍

കഴിഞ്ഞ ദിവസം മുതല്‍ റിമി ടോമി പങ്കെടുത്ത ജെബി ജംഗ്ഷന്‍ പരിപാടിയുടെ വീഡിയോ വൈറലായി കൊണ്ടിരിക്കുകയാണ്. റിമി നായികയായി അഭിനയിച്ച സിനിമ ഇറങ്ങിയ സമയത്തുള്ള അഭിമുഖമായിരുന്നു. അന്ന് സിനിമയ്ക്കിടെ സംഭവിച്ച ചില കാര്യങ്ങളെ കുറിച്ച് നടന്‍ ജയറാമും പറഞ്ഞിരുന്നു. വീണ്ടും സിനിമയിലെ രസകരമായ ഓര്‍മ്മകള്‍ പങ്കുവെക്കുകയാണ് റിമി.

വരുന്നിടത്ത് വെച്ച് കാണാം എന്നൊരു റിസ്‌കിലാണ് സിനിമയില്‍ അഭിനയിക്കുന്നത്. അഭിനയം മോശമാണെങ്കില്‍ പോലും എനിക്ക് എന്റെ ജോലി നഷ്ടപ്പെടുന്നില്ലല്ലോ. പാട്ട് പാടുകയും നാവില്‍ വാ ഉള്ളിടത്തോളം കാലം അവതരിപ്പിക്കുകയും ചെയ്യാമെന്നും റിമി പറയുന്നു. ആ സിനിമയിലെ കഥാപാത്രം റിമിയ്ക്ക് പറ്റുമെന്ന് അതുമായി ബന്ധപ്പെട്ട ഒരുപാട് പേര്‍ പറഞ്ഞിരുന്നതായി അവതാരകനും സൂചിപ്പിച്ചു.

റിമി ആദ്യം അഭിനയിക്കുന്ന ദിവസം അവിടെ ഉണ്ടായിരുന്ന ആളുകള്‍ക്ക് കൈമടക്ക് ഒക്കെ കൊടുത്ത് കൈയടിപ്പിച്ചിരുന്നു. അക്കാര്യം റിമി തന്നെ പറഞ്ഞിരുന്നു. പാവം ചേട്ടന്മാര്‍ ക്യാമറ പിടിച്ചതിന് ശേഷം അത് വെച്ചിട്ട് കൈയടിക്കുമായിരുന്നു. അവര്‍ക്ക് മദ്യം വാങ്ങിക്കാനുള്ള കാശ് ആയിരുന്നു കൊടുത്തത്. പതിനായിരം രൂപയായിരുന്നു ഞാന്‍ കൊടുത്തത്. അതിനുള്ള കൈയടി കിട്ടുകയും ചെയ്തു.

സിനിമയുടെ ഫോട്ടോഷൂട്ട് തുടങ്ങിയപ്പോള്‍ തന്നെ എന്നെ കൊണ്ട് പറ്റുമെന്ന് തോന്നിയില്ല. അത് ഞാന്‍ അവരോട് പറഞ്ഞിരുന്നു. എല്ലാം നോക്കി ഓക്കെയാണെന്ന് തോന്നിയിട്ട് മാത്രം പബ്ലിസിറ്റിയൊക്കെ കൊടുത്താല്‍ മതിയെന്നും ഞാന്‍ പറഞ്ഞു. പക്ഷെ അവര്‍ക്കൊക്കെ വലിയ വിശ്വാസമായിരുന്നു. എങ്ങനെയും ചെയ്യിപ്പിച്ചെടുക്കുമെന്നായിരുന്നു.

സിനിമയിലെ റിമിയുടെ ആദ്യ ഡയലോഗ് കൂടി അവിടെ അവതരിപ്പിച്ചിരുന്നു. മിസിസ് ജയദേവന് എന്താ ഭ്രാന്തുണ്ടോ എന്ന് അടുത്ത വീട്ടിലുള്ളവര്‍ ചോദിക്കുന്നതായിരുന്നു രംഗം. അപ്പോള്‍ ഭ്രാന്ത് തന്റെ ഭാര്യക്കാടോ... അത് ഏത് തരത്തിലുള്ളതാണെന്ന് താന്‍ എന്നെ കൊണ്ട് പറയിപ്പിക്കല്ലേ. എന്നായിരുന്നു റിമിയുടെ ആദ്യ ഡയലോഗ്. ഓഡിയന്‍സായി വന്നവരില്‍ ഒരാളെ കൊണ്ട് തന്നെ അത് അഭിനയിപ്പിച്ച് കാണിച്ചിരുന്നു. ഇതിനും വലിയ കൈയടി ലഭിച്ചു.


തന്റെ വെയിറ്റ് എങ്ങനെ കുറഞ്ഞു! ആ രഹസ്യം പരസ്യമാക്കി റിമി ടോമി, വീഡിയോ പുറത്ത് വിട്ട് താരം

ടെലിവിഷന്‍ പ്രോഗ്രാമുകളും വിദേശത്തടക്കമുള്ള സ്‌റ്റേജ് പരിപാടികളുമായി തിരക്കോട് തിരക്കിലായിരുന്നു റിമി ടോമി അടക്കമുള്ള താരങ്ങള്‍. എല്ലായിടത്തും ലോക്ഡൗണ്‍ ആയതോടെ താരങ്ങളെല്ലാവരും വീട്ടില്‍ തന്നെ കഴിയുകയായിരുന്നു. മാസങ്ങളോളം വീട്ടില്‍ ഇരുന്നെങ്കിലും റിമി ടോമി ഒരു മിനുറ്റ് പോലും വെറുതേ കളഞ്ഞിട്ടില്ല. നടിയും ഗായികയുമായ റിമിയുടെ ഇന്‍സ്റ്റാഗ്രാം പേജ് സജീവമായി പോസ്റ്റുകള്‍ നിറഞ്ഞിരുന്നു.

വീട്ടില്‍ നിന്നും പാചക പരീക്ഷണങ്ങള്‍ നടത്തിയും ഡാന്‍സ് കളിച്ചും റിമി അത്ഭുതപ്പെടുത്തിയിരുന്നു. അതിലും വലിയ ഞെട്ടലുണ്ടാക്കുന്നത് ശരീരഭാരം കുറച്ച് വളരെ മെലിഞ്ഞിരിക്കുന്ന റിമിയുടെ ചിത്രങ്ങളാണ്. എങ്ങനെയാണ് ഇത്രയും മെലിഞ്ഞതെന്ന് ചോദിക്കുന്ന ആരാധകര്‍ക്ക് അതിന് പിന്നിലെ രഹസ്യം കൂടി താരം വെളിപ്പെടുത്തിയിരിക്കുകയാണ്.

എന്റെ ശരീരഭാരം കുറഞ്ഞതിന് കാരണം റിമി ടോമി ഓഫീഷ്യല്‍ യൂട്യൂബ് ചാനലിലുണ്ടെന്ന് ഇന്‍സ്റ്റാഗ്രാമിലൂടെ പങ്കുവെച്ച ചിത്രത്തില്‍ റിമി സൂചിപ്പിച്ചിരുന്നു. അങ്ങനെ യൂട്യൂബ് ചാനലിലൂടെ പങ്കുവെച്ച വീഡിയോയിലാണ് ആ രഹസ്യം റിമി പരസ്യമാക്കിയത്. റിമിയുടെ വീടിന് മുകളില്‍ ഒരുക്കിയിരിക്കുന്ന ജിമ്മില്‍ നിന്നും കഠിനമായ വ്യായമത്തിന് ശേഷമായിരുന്നു ഇത്രയുമൊരു മേക്കവര്‍ സാധിച്ചിരിക്കുന്നത്. എന്നോട് ഏറ്റവും കൂടുതല്‍ പേരും ആവശ്യപ്പെട്ടത് വെയിറ്റ് കുറച്ചത് എങ്ങനെയാണെന്നായിരുന്നു. അതിനെ കുറിച്ച് പറയാനാണേല്‍ ഒരുപാട് പറയാനുണ്ടാവും. പാചകം ചെയ്യുന്നത് കണ്ടപ്പോള്‍ ചിലര്‍ റിമിയ്ക്ക് എന്തോ ടെന്‍ഷന്‍ ഉണ്ടല്ലോ എന്ന് ചോദിച്ചിരുന്നു. പക്ഷേ ഒട്ടും ടെന്‍ഷനില്ലാതെ ചെയ്ത കാര്യമായിരുന്നു അത്.

പണ്ട് ഞാന്‍ എങ്ങനെയാണ് ഇരുന്നത് എന്ന് നിങ്ങളോട് പറയേണ്ട ആവശ്യമില്ല. പതിനെട്ട് വര്‍ഷത്തോളമായി ഞാന്‍ ഈ ഫീല്‍ഡില്‍ വന്നിട്ട്. 2002 ലാണ് ഞാന്‍ മിനിസ്‌ക്രീനില്‍ എത്തുന്നത്. ഇപ്പോള്‍ വയസും പ്രായവുമൊക്കെ ആയി. അപ്പോഴാണ് നമ്മള്‍ കൂടുതല്‍ ആരോഗ്യ കാര്യങ്ങള്‍ ശ്രദ്ധിക്കേണ്ടതെന്ന് റിമി പറയുന്നു. ആദ്യമൊന്നും ഞാന്‍ ഡയറ്റ് നോക്കുകയോ ശരീരഭാരം എത്രയുണ്ടെന്നോ നോക്കാറില്ലായിരുന്നു. 2012 ന് ശേഷമാണ് താന്‍ അതെല്ലാം ശ്രദ്ധിച്ച് തുടങ്ങിയത്. ഏത് ഫീല്‍ഡിലുള്ളവരാണെങ്കിലും ദിവസത്തില്‍ ഒരു മണിക്കൂറെങ്കിലും വ്യായാമം ചെയ്യണമെന്നാണ് റിമി പറയുന്നത്.

പച്ചവെള്ളം കുടിച്ചാലും ശരീരം വണ്ണം വെക്കുന്നതാണ് തന്റെ പ്രകൃതം. എന്നാലിപ്പോള്‍ എന്റെ പൊക്കത്തിന് അനുസരിച്ച് 52 കിലോ ആണ് ശരീരഭാരം. അതിന് നന്ദി പറയുന്നത് ട്രെയിനര്‍ക്ക് ആണ്. ലോക്ഡൗണ്‍ ആണെങ്കിലും ഫോണിലൂടെ തനിക്ക് നിര്‍ദ്ദേശങ്ങള്‍ കിട്ടിയിട്ടാണ് ചെയ്യുന്നത്. ഓരോ ദിവസവും ചെയ്യുന്ന വ്യായമങ്ങള്‍ എതൊക്കെയാണെന്ന് റിമി വീഡിയോയിലൂടെ കാണിച്ചിരുന്നു. ഒപ്പം അതിന് എന്തൊക്കെ വേണമെന്നുള്ള നിര്‍ദ്ദേശങ്ങളും. കുറുക്ക് വഴികളിലൂടെ ഞാന്‍ ഒരുപാട് ശ്രമിച്ചെങ്കിലും അതൊന്നും ശരിയായില്ല.

പിന്നീടാണ് നമ്മുടെ ശരീരത്തിന് വേണ്ടൊരു ഡയറ്റ് പ്ലാന്‍ കണ്ടെത്തുന്നതും അത് ഫോളോ ചെയ്യുന്നതും. മാസത്തില്‍ ഒന്നോ രണ്ടോ തവണ ജലദോഷവും പനിയും വന്നിരുന്ന എനിക്ക് ഇപ്പോള്‍ അങ്ങനെ വരുന്നില്ല. രോഗപ്രതിരോധശേഷി വര്‍ദ്ധിച്ചുവെന്ന് എനിക്ക് സ്വയം തോന്നുന്നുണ്ട്. റെഗുലറായി വ്യായമം ചെയ്യുന്നത് കൊണ്ടാണ് ഇതെല്ലാം നേടി എടുക്കുന്നത്. പല വഴികളും മടുത്തതിന് ശേഷമാണ് താന്‍ ഇപ്പോള്‍ ചെയ്യുന്ന ഡയറ്റ് പ്ലാനിലെത്തിയതെന്നും അതെന്താണെന്ന് അടുത്ത എപ്പിസോഡില്‍ പറയാമെന്നുമായിരുന്നു റിമി പറഞ്ഞത്. തന്റെ ശരീരഭാരം കുറഞ്ഞതിന് പിന്നില്‍ കൃത്യമായ ഡയറ്റും വ്യായമവും എന്ന് തന്നെയാണ് റിമി പറഞ്ഞ് നിര്‍ത്തുന്നത്.

അച്ഛന് ഡോക്ടർ ആക്കണമെന്നായിരുന്നു ആഗ്രഹം, അപ്പോൾ അമ്മക്ക് അസുഖമായി, റിമി ടോമി പറയുന്നു

ഗായിക അവതാരക അഭിനേത്രി എന്നിങ്ങനെ മിനിസ്ക്രീനിലും ബിഗ് സ്ക്രീനിലും ഒരുപോലെ തിളങ്ങി നിൽക്കുന്ന താരമാണ് റിമി ടോമി. പിന്നണി ഗായികയായി ചുവട് വയ്ക്കുകയും പിന്നീട് സിനിമയിലും മിനിസ്ക്രീനിലും ഒരുപോലെ തിളങ്ങുകയായിരുന്നു. ഇപ്പോഴിത പുതിയ മേഖല കണ്ടെത്തിയിരിക്കുകയാണ് താരം. സ്റ്റേജ് ഷോ, ടെലിവിഷൻ പരിപാടി, റെക്കോഡിങ്ങ് എന്നിങ്ങനെ തിരക്കേറിയ ജീവിതമായിരുന്നു റിമിയുടേത്. ലോക്ക് ഡൗൺ പ്രമാണിച്ച് കുടുംബാംഗങ്ങളോടൊപ്പം വീട്ടിലാണ് പ്രിയ ഗായിക.

ലോക്ക് ഡൗൺ പ്രഖ്യാപിച്ചതിന് പിന്നാലെ സോഷ്യൽ മീഡിയയിൽ സജീവമായിരിക്കുകയാണ് റിമി. ടിക് ടോക്കിലാണ് പ്രിയ ഗായിക സജീവമായിരിക്കുന്നത്. പുതിയ ടിക് ടോക്ക് പരീക്ഷണവുമായി റിമി ദിവസേനെ സോഷ്യൽ മീഡിയയിൽ പ്രത്യക്ഷപ്പെടാറുണ്ട്. പാടൻ മാത്രമല്ല അഭിനയിക്കാനും താൻ മിടുക്കിയാണെന്ന് ഒരിക്കൽ കൂടി തെളിക്കുകയാണ് ടിക് ടോക്ക് വീഡിയോയിലൂടെ റിമി ടോമി.

ടിക് ടോക്കിൽ സജീവമാണ് റിമി ടോമി. പഴയ കാലത്ത് സിനിമ ഡയലോഗുമായിട്ടാണ് റിമി അധികവും പ്രത്യക്ഷപ്പെടാറുള്ളത്. ലോക്ക് ഡൗൺ ആരംഭിച്ചതിന് പിന്നാലെയായിരുന്നു താരത്തിന്റെ ടിക് ടോക്ക് പരീക്ഷണങ്ങൾ. പ്രേക്ഷകരിൽ നിന്ന് മികച്ച പ്രതികരണമാണ് വീഡിയോയ്ക്ക് ലഭിക്കുന്നത്. സൗണ്ട് പെർഫക്ഷനെ കുറിച്ചാണ് ഭൂരിഭാഗം പേരും പറയുന്നത്. റിമിയുടെ എക്സ്പ്രഷനും ഗംഭീരമാണെന്നാണ് പ്രേക്ഷകർ പറയുന്നത്. ഇൻസ്റ്റഗ്രാമിൽ പങ്കുവെച്ച പുതിയ വീഡിയോ സോഷ്യൽ മീഡിയയിൽ ട്രെന്റിങ്ങായിട്ടുണ്ട്.


സോഷ്യൽ മീഡിയയിൽ വൈറലായിരുന്നു റിമി ടോമിയുടെ ഡ്യൂറ്റ് ടിക് ടോക്ക് വീഡിയോ. സാധരണ ഒറ്റയ്ക്കാണ് റിമി പ്രത്യക്ഷപ്പെടാറുള്ളത്. ഇതാദ്യമായി മറ്റൊരാൾക്കൊപ്പം ഗായിക എത്തുന്നത്. എപ്പോഴും ചിരിക്കുന്ന റിമിയെ മാത്രമാണ് എല്ലാവരും കണ്ടിട്ടുള്ളത്. എന്നാൽ ഇവിടെ നിറ കണ്ണുകളുമായിട്ടാണ് താരം പ്രത്യക്ഷപ്പെട്ടത്. എല്ലാവരേയും ചിരിപ്പിക്കുന്ന റിമിയ്ക്ക് പ്രേക്ഷകരുടെ കണ്ണ് നിറക്കാനും കഴിയുമെന്ന് വീഡിയോയിലൂടെ തെളിയിച്ചിട്ടുണ്ട്. റിമിയുടെ അഭിനയം സോഷ്യൽ മീഡിയയിൽ ഹിറ്റായി. അഭിനയത്തിൽ കൂടി ശ്രദ്ധ കേന്ദ്രീകരിച്ചു കൂടെ എന്നാണ് ആരാധകരുടെ ചോദ്യം.


ലോക്ക് ഡൗൺ ദിനങ്ങൾ എങ്ങനെ ഫലപ്രദമായി ചെലവഴിക്കാമെന്നുളള ഗവേഷണത്തിലാണ് റിമി. ടിക് ടോക്ക് മാത്രമല്ല പാചക പരീക്ഷണത്തിലും താരം ഒരു കൈ നോക്കിയിട്ടുണ്ട്. പാചക വീഡിയോ പങ്കുവെച്ച് താരം കഴിഞ്ഞ ദിവസം രംഗത്തെത്തിയിരുന്നു. രുചികരമായ ബീഫ് റോസ്റ്റിമായിട്ടായിരുന്നു ഗായിക എത്തിയത്. ഇത് തന്റെ ആദ്യത്തെ പാചക പരീക്ഷണമാണെന്നും എല്ലാവരും ഉണ്ടാക്കി നോക്കി അഭിപ്രായം അറിയിക്കണം എന്ന് പറഞ്ഞു കെണ്ടായിരുന്നു റിമി വീഡിയോ പങ്കുവെച്ചത്. ഇതിനും മികച്ച പ്രേക്ഷക അഭിപ്രായമായിരുന്നു ലഭിച്ചിരുന്നത്.


ടിക് ടോക്ക്, പാചകം,വ്യായമം എന്നിവയാണ് റിമി ടോമിയുടെ പ്രധാനപ്പെട്ട ലോക്ക് വിനോദം. ഫിറ്റ്നസിന്റെ കാര്യത്തിൽ വിട്ട് വീഴ്ച കാണിക്കാത്ത റിമി തന്റ വർക്കൗട്ട് വീഡിയോ സോഷ്യൽ മീഡിയയിൽ പങ്കുവെയ്ക്കാറുണ്ട്. കൊറോണ വൈറസ് വ്യാപനത്തെ തുടർന്ന് ജിമ്മുകളും ഫിറ്റ്നസ് സെന്ററുകളും അടച്ചിട്ടതോട പലരും വ്യായാമം പേരിൽ മാത്രം ഒതുക്കി നിർത്തിയിരിക്കുകയാണ്. എന്നാൽ റിമി ഇതിൽ ഒരു വിട്ട് വീഴ്ച കാണിച്ചിട്ടില്ല. വീട്ടിനുളളിൽ നിന്ന് പതിവ് പോലെ വ്യായാമം ചെയ്യുകയാണ് താരം. ഇതിന്റ ചിത്രങ്ങളും വീഡിയോയും താരം സോഷ്യൽ മീഡിയയിലും പങ്കുവെച്ചിരുന്നു.