ഭ്രമണം എന്ന് ഏഷ്യാനെറ്റിലെ സീരിയലിലൂടെ പ്രശസ്തയായ സ്വാതി നിത്യനന്ദിന്റെ വിവാഹം അടുത്തിടെ കഴിഞ്ഞു. ഭ്രമണം ഉൾപ്പടെയുള്ള സീരിയലുകൾക്ക് ക്യാമറ ചലിപ്പിച്ച പ്രതീഷ് നെന്മാറയാണ് സ്വാതിയുടെ വരൻ. ഇവരുടേത് പ്രണയ വിവാഹമായിരുന്നു. ലോക് ഡൌണ് നിയമങ്ങള് പാലിച്ചിട്ടാണ് വിവാഹം നടന്നത്. ഹരിതയെന്ന കഥാപാത്രത്തെ യായിരുന്നു സ്വാതി സീരിയലിയില് ആവതരിപ്പിച്ചത്. ഏഷ്യാനെറ്റിലെ ന്യൂ ഫേസ് ഹണ്ട് എന്ന പരിപാടിയില് പങ്കെടുത്തതിലൂടെയാണ് സ്വാതിക്ക് ഈ സീരിയലിലേക്കുള്ള വഴി തുറന്നത്.
സ്വാതി തിരുവനന്തപുരം ഭരതന്നൂര് സ്വദേശിയാണ്. മാതാപിതാക്കളുടെ ഏകമകളായ സ്വാതി, മാര് ഇവാനിയോസ് കോളേജില് ബി എ ലിറ്ററേച്ചര് വിദ്യാർഥിയാണ്. ഇനിയും അഭിനയ മേഖലയിൽ തുടരും എന്നാണ് സ്വാതി പറയുന്നത്. നെയ്യാറ്റിന്കരയിലെ ഒരു ക്ഷേത്രത്തില് വെച്ചായിരുന്നു വിവാഹം നടത്തിയത്. വിവാഹത്തിൽ തന്റെ വീട്ടുകാർക്ക് ചില എതിർപ്പുകളൊക്ക ഉണ്ടായിരുന്നു എന്നാണ് സ്വാതി പറയുന്നത്.. സ്വാതിയുടെ വാക്കുകൾ ഇങ്ങനെ. “കഴിഞ്ഞ രണ്ടര വർഷമായി പ്രണയത്തിൽ ആണ് ഞങ്ങൾ. ഭ്രമണത്തിന്റെ സെറ്റിൽ വച്ചാണ് ആദ്യമായി ഞങ്ങൾ കാണുന്നത്. പിന്നീട് പ്രണയത്തിൽ ആവുകയായിരുന്നു. ഏട്ടൻ (പ്രതീഷ് നെന്മാറ) വർഷങ്ങളായി ഈ ഫീൽഡിൽ തന്നെയുള്ള ആളായത് കൊണ്ടുതന്നെ അഭിനയ മേഖലയുടെ പ്രാധാന്യത്തെക്കുറിച്ചു അദ്ദേഹത്തിനും അറിയാമല്ലോ. അതുകൊണ്ടുതന്നെ ഈ മേഖല ഉടൻ തന്നെ വിടാൻ ഞാൻ ആഗ്രഹിക്കുന്നില്ല.
അധികം ആരെയും അറിയിക്കാതെയാണ് വിവാഹം നടന്നത്. ലോക് ഡൗൺ പ്രോട്ടോക്കോൾ പാലിച്ചു തന്നെയാണ് വിവാഹം കഴിച്ചത്. നെയ്യാറ്റിൻകര ഒരു ക്ഷേത്രത്തിൽ വച്ചായിരുന്നു ചടങ്ങ്. ഇരു കുടുംബങ്ങളുടെ പിന്തുണ എന്ന് പറയാൻ സാധിക്കില്ല. ഏട്ടന്റെ കുടുംബം പൂർണ്ണമായും പിന്തുണച്ചു. എന്നാൽ എന്റെ വീട്ടുകാർക്ക് അൽപ്പം അഭിപ്രായ വ്യത്യാസം ഇപ്പോഴും ഉണ്ട്. അതൊക്കെ മാറും എന്ന് തന്നെയാണ് എന്റെ പ്രതീക്ഷ.
No comments:
Post a Comment